Метка: карикатура

Раҳмон ба ҷавони тоҷик: “Ту ба гурӯҳҳои ифротӣ пайвастӣ? Ришота бтарош! Ба анъанаҳои бегона ва номатлуб тақлид мекнӣ?”

Ҷавони тоҷик ба Раҳмон: “Чихелӣ тақлид?! Пул надорм, то сартарошхона рафта ришома тарошам. Россия мерам, пул кор мекунам. Ҳамин ки пулдор шудам, баъд ин мавъизаатро ба ҷо меорам!”

* * *

Ба гузориши сомонаи “Паём”, Эмомалӣ Раҳмон дар 17-уми апрели соли ҷорӣ дар гуфтугӯ бо “фаъолон” ва сокинони шаҳри Гулистони вилояти Суғд, бори дигар ба масъалаи либоспӯшии мардум баргашт ва ба масоили ифротгароӣ ва сарулибос пардохт ва эълон кард, ба мақомот супориш додааст, “ҷавононро ба худдорӣ аз пайвастан ба гурӯҳҳои ифротӣ ва тақлид ба сарулибоси бегонаву анъанаҳои номатлуб ҳидоят намоянд.”

Ба гумони ғолиб, ин супориши раисҷумҳур бо суръат шурӯъ ба иҷро мегардад ва ба таҳқиру таъқиби ҳазорҳо занони сатрпӯш ва мардони ришдор асос мегузорад. Ба зудӣ ҷомеаи тоҷик шоҳиди мавҷи нави “рейдҳо”-и зидди сатру риш хоҳад гашт.

Гуфтанист, Раҳмон замоне бо мардум дар бораи мушкилот ҳарф мезанад, ки тезутунд ва бузург мешаванд ва ба вазъи кишвар таҳдид мекунанд. Ду мушкилеро, ки Раҳмон дар суханрониҳои ахираш ба онҳо тамаркуз кард, метавон ба унвони сабаби аслии манёври мунҳарифкунандаи (отвлекающий) ахири Раҳмон интихоб кард. 

а) Тибқи пешбинии коршиносон, Тоҷикистонро шадидтарин бӯҳрони иқтисодӣ аз замони истиқлолияташ интизор аст. Ин бӯҳрон, ки пешбинӣ мешавад, аз бекор мондани садҳо ҳазор муҳоҷир дар Русия ибтидо гирифта, бино бар болоравии нархи маҳслуоти хӯрока дар ҷаҳон, амиқтар хоҳад шуд ва паёмадҳое мисли қашшоқии саросарӣ, гаронии нархҳо, норасоии маводи ғизоӣ, рукуди иқтисоду ММД, иҷронашивии нақшаи буҷа ва ғайра хоҳад дошт. Раҳмон дар паёми наврӯзиаш имсолу солҳои ояндаро “душвортарин солҳои таърих” номид ва мардумро ба сабр дар онҳо даъват кард.

б) Раҳмон дар 17-уми апрел, ки бо қайчияш ба Исфара рафта буд, аз сокинони ин ноҳия даъват кард, бо ҳамсояҳои худ дар фазои ҳамдигарфаҳмӣ зиндагӣ кунанд ва босабру таҳаммул бошанд ва ба эҳсосот дода нашаванд.

Даъвати Раҳмон дар ҳоле садо дод, ки ҳукуматаш бино бар беамаливу беҷуръатӣ дар ҳамлаҳои пайдарпайи низомиёни қирғиз ба мардуми осоишта ва сарҳадбонони тоҷик мавриди интиқоди шадид қарор гирифтааст.

Ин ду мушкил аст, ки Раҳмон дубора рӯ ба пурбаҳстарин мушкил дар ҷомеаи тоҷик — баҳси сатру ҳиҷоб овардааст.

Ё, кӣ метавонад инкор кунад, ки коррупсия дар Тоҷикистон реша дар худи Эмомалӣ Раҳмон дорад?!

Transparency International ё Шаффофияти Байнулмилал, дар 25-уми январ навишт: “Аксарият дар Тоҷикистон бовар доранд, ки порагирӣ, азхудкунии пули давлат, сустии ҳукумат барои решаканкунии фасод, хешутаборбозӣ ва мавридҳои дигар аз масоили паҳншуда мебошад.”

Ба гузориши Радиои Озодӣ, бар асоси ин гузориш, Тоҷикистон аз байни 180 кишвару қаламрав дар миёни 30 кишвари дорои бадтарин сатҳи фасод ҷой дорад.

Алтинай Мирзабекова, мушовири масоили Осиёи Марказӣ дар дафтари Transparency International дар Берлин гуфт, дар Тоҷикистон “коррупсия хоссияти амиқи системавӣ касб кардааст.”

Ӯ ба унвони мисол аз “набудани мустақилӣ дар низоми кори додгоҳҳову сохторҳои ҳифзи қонун”, “набудани шаффофият дар кори сохторҳои давлатӣ ва гузориш надодани онҳо дар пеши ҷомеа” ва “вуҷуди бархӯрди манфиатҳо, бахусус дар сатҳи болотарину миёнаи ҳукумат” ёдовар шуд.

“Ба иловаи ин ҳама мушкилот, давраи пандемия нишон дод, ки аксар ҳукуматҳои худкома дар минтақа пандемияро баҳона карда, озодии баён ва кори фаъолон, аз ҷумла, фаъолони зидди фасодро бештар маҳдуд карданд,” – шарҳ дод Мирзабекова.

Александр Лукашенко, президент Белорусии заявил: “Президент Таджикистана нас годами уже просит об оказании материальной поддержки, прежде всего военной техникой. И нам надо это сделать. Чтобы потом нам это не обошлось дороже, как с Казахстаном. Почти 200 рейсов самолетов, мы перебрасывали огромную технику. Благо, что Россия на это согласилась. Не хотелось бы, чтобы это было в Таджикистане. Лучше ему помочь сейчас.” (Радио Озоди)

Раҳмон: “Нахо мову шумо қаҳрӣ бошем?! Мову шумо ҳар ду яхелем, мо бо зӯрӣ вориди Душанбе барои “суботу “ваҳдати миллӣ” шидем. Шуморам дохили Кобул барои ҳами шиден. Агар зидди шумо гап задестем, ин сиёсатай, барои мардуми бесавод ва мухолифонмон. Ғамша нахрен, қмандон соиб!

Ба гузориши Радиои Озодӣ ба нақл аз сайти Брешно, миёни ширкати “Брешно” ва “Барқи тоҷик” қарордоди барқи воридотӣ барои соли 2022 имзо шуд. Ин қарордодро Мирзо Исмоилзода, раиси ширкати “Барқи тоҷик” ва Ҳофиз Муҳаммад Амин, раиси умумии иҷроияи ширкати “Брешно” имзо карданд.

Ин қарордод дар ҷараёни музокироти дурӯза дар Тоҷикистон аз сӯи ду тараф имзо шуд. Зимнан, қарордоде ҳам, ки аз моҳи июли соли равон то декабр бино бар таҳаввулоти сиёсӣ ба таъхир афтода буд низ имзо шуда.

Ширкати “Брешно” дар хабарномае изҳор додштааст: “Ҳайати Иморати исломии Афғонистон ба кишвари Тоҷикистон ваъдаи ҳамкорӣ намуд ва ба манзури дубора оғоз намудани тарҳҳои мутаваққифшуда дар қисмати таъмини амният ва соири бахшҳо изҳори омодагӣ намуд.”

Дар ин хабарнома ҳамчунин омадааст, ки масъулини ин ширкат дар ҷараёни сафари дурӯза ба Тоҷикистон дар бораи тарҳҳои минтақавӣ, аз ҷумла, тарҳи КАСА-1000 ва бунёди хатти 500-киловатта дар бахши энержӣ гуфтугӯ кардаанд.

Тоҷикистон асосан ба Афғонистон ва Ӯзбекистон барқ содирот мекунад. Дар худи Тоҷикистон аз моҳи октябр ба ин тараф сокинони деҳот бо маҳдудият нерӯи барқ мегиранд.

Ахиран, Эмомалӣ Раҳмон, дар паёми солонаи худ, ки дар Маҷлиси намояндагон суханронӣ мекард, бо баёни ин ки мардум гумон мекунанд, ки ҷуворимакка хӯроки чорпоён аст, гуфт: “Ними дунё аз ҳисоби маккадон зиндагӣ мекунанд.” Зоҳиран, ӯ мехоҳад, мардуми кишвар ба ҷои гандум, рӯй ба ин навъ растанӣ оваранд.

Гуфтанист, Никита Хрущев, раҳбари Шӯравии собиқ дар миёнаҳои қарни 20-ум, ки пас аз Иосиф Сталин зимоми умури ин кишвари паҳноварро ба даст гирифта буд, ба “Никита марди ҷуворимакка» маъруф шуд. Зеро вай дар тамоми майдонҳо ба ҷои гандум ҷуворимакка кошт.

Дар он даврон, ҷуворимакка номи “маликаи майдонҳо”-ро гирифт. Мардум ҷуворимаккаро солим ҳисобида, аз он истифода мекарданд ҳатто тавсия шуд, ки хӯроки кӯдакон низ аз он таҳия шавад. Дар рӯи ҷилди маҷаллаи LIFE акси Хрущев нашр шуд, ки дар гӯшаи ҷуворимакка табассум мекард.

Ӯ соли 1964 барканор шуд. Яке аз сабабҳои барканории ӯ, ҳамин масъала буд. Бештари мардум аз истеъмоли ҷуворимакка дучори бемории шикам шуда буданд. Ва чунон ки расонаҳо навиштаанд, колхозчиёни ҳамаи минтақаҳои иқлимӣ, ки аз кишти ҷуворимакка хаста шуда буданд, аз ин кор безор буданд.

Ҳамчунин дар гузоришҳо омада, ки “Майдони кишти чуворимакка бар зарари ҷав ва гандум ду баробар васеъ шуд. Аммо натиҷа ғамгин буд… Ин маърака дар соли 1962 ба нокомӣ дучор шуд ва боиси баланд шудани нархи равған ва гӯшт гардид, ки боиси норозигии мардум гардид.”

Ҳамчунин дар санаи 18.01.1961 гузориш шудааст, ки ҳукумат “лоиҳаи Хрушев дар бобати аз нав ташкил кардани хоҷагии қишлоқро ба тасвиб расонд. Асоси лоиҳаи ӯро кишти оммавии ҷуворимакка ташкил медод ва дар натиҷа кишвар ҳам аз гандум ва ҳам аз ҷуворимакка маҳрум шуд.”